ՀԱՄԱՍ-ի ներկայացուցիչները հայտարարել են, որ Գազայի հատվածի ուղղությամբ իսրայելական զինվորների ավիահարվածների արդյունքում սպանվել են պաղեստինյան շարժման ռազմական թեւի հիմնական ղեկավարներից մեկի՝ Մահամեդ Դեիֆի կինն ու մանկահասակ աղջիկը, հաղորդում է «Ռոսբալտը»` վկայակոչելով BBC-ին:
Միեւնույն ժամանակ, իսրայելական կողմը հաղորդել է օգոստոսի 19-ին Գազայի հատվածի տարածքից բաց թողնված 50 հրթիռների մասին: Տուժածների մասին տեղեկություններ չեն հաղորդվում:
Հիշեցնենք, որ ավելի վաղ Իսրայելի զինված ուժերը Գազայի հատվածի ուղղությամբ ավիահարված են հասցրել: Օգոստոսի 18-ի երեկոյան Իսրայելը եւ պաղեստինցիները պայմանավորվել են եւս 24 ժամով երկարեցնել Գազայում հնգօրյա հրադադարը, սակայն մինչեւ ժամկետի ավարտը Գազայից հրթիռային գնդակոծությունները վերսկսվել են: ՀԱՄԱՍ խմբավորումը պնդում է, որ որեւէ առնչություն չունի այդ գնդկոծությունների հետ: