Հիվանդության պատճառով պատգամավորական մանդատից հրաժարված Գրիգոր Գրիգորյանը՝ «Շերիֆը», քաղաքականություն վերադառնալու մասին դեռ չի մտածում: NEWS.am-ի հետ զրույցում նախկին ԲՀԿ-ական պատգամավորը նշեց, որ դեռ բուժվում է արտերկրում:
«Արտասահմանում եմ, մի քանի օրից ավարտում եմ բուժումս վերադառնա, բայց դեռ ամբողջովին չեմ ապաքինվել: Այնպես որ քաղաքականություն վերադառնալու մասին չեմ էլ մտածում հիմա, մի հատ առողջանամ, հետո»,- ասաց նա:
Նշենք, որ «Շերիֆը» պատգամավորական մանդատից հրաժարվելու դիմում ներկայացրել է մայիսի 6-ին: Ըստ ԲՀԿ-ի՝ «Շերիֆը» հիվանդության պատճառով է այդ քայլին դիմել: Մամուլում շրջանառվում է վարկած, որ նա խնդիրներ է ունեցել ԲՀԿ առաջնորդ Գագիկ Ծառուկյանի հետ: