Որոտանի ՀԷԿ-երի համալիրը մասնավորեցման հանձնելու համար չափազանց շահութաբեր է, օգոստոսի 20-ին լրագրողներին հայտնել է Հայաստանի հայրենական ապրանք արտադրողների միության նախագահ Վազգեն Սաֆարյանը: Նա հիշեցրել է, որ համալիրի էներգիան չափազանց ցածր ինքնարժեք ունի եւ թողարկման ամենացածր սակագինը (6,8 դրամ մեկ կվտ/ժ-ի համար):
«Եթե կայաններն անցնեն մասնավորին, բնականաբար նա կցանկանա բարձրացնել սակագինը: Այդ ժամանակ կզրկվենք ռազմավարական այնպիսի կարեւոր ռեսուրսից, ինչպիսին էժան էլեկտրաէներգիան է», - հավելել է Սաֆարյանը՝ հիշեցնելով, որ Որոտանի համալիրը արտադրում է հանրապետության էլեկտրաէներգիայի շուրջ կեսը:
«Որպես կանոն մասնավորեցնում են այն ընկերությունները որոնք պետությունը չի կարողանում լավ աշխատեցնելսեփական միջոցներով: Բայց սա այդ դեպքը չէ: Կասկադն աշխատում եւ խելամիտ եկամուտ է ստանում:
«Որոտանի կասկադ ՀԷԿ»-ը կազմված է 3 էլեկտրակայաններից. Սպանդարյանի ՀԷԿ (հզորությունը՝ 78 մեգավատ), Շամբի ՀԷԿ (171 մեգավատ) եւ Տաթեւի ՀԷԿ (157.2 մեգավատ): «Որոտանի կասկադ ՀԷԿ» ՓԲԸ-ի 100%-անոց բաժնետերը Հայաստանի կառավարությունն էր: Հայաստանի Հանրային ծառայությունները կարգավորող հանձնաժողովը 2013թ. նոյեմբերի 27-ին հաստատեց «Որոտանի կասկադ ՀԷԿ»-ի վաճառքն ամերիկյան Contour Global ընկերությանը: Գործարքի արժեքը 180 մլն դոլար է:
