Օդեսացի պատանի հրաշամանուկը հրաժարվել է գերմանական էլիտար գիմնազիայից, թեեւ երազում էր սովորել փորձարկման կայանով հագեցած ուսումնական հաստատությունում: 15-ամյա Բորիս Չուբինը որոշելէ իր գաղափարները ծառայեցնել հայրենիքին:
Նա սարք է ստեղծում, որը թույլ կտա հարձակումների ժամանակ նվազեցնել մարդկային կորուստները: Սարքը կարող է որոշել հակառակորդի դիրքը եւ հարձակման ուղղությունը, հայտնում է TCH.ua-ը:
Բորիսը եւ իր գիտական ղեկավարն աշխատանքը բաժանել են հինգ փուլի: Այժմ աշխատում են երկրորդի վրա: Խորհրդակցություններին ներգրավում են ռազմական մասնագետների: Բավարար ֆինանսավորման դեպքում սարքը կարող է պատրաստ լինել արդեն կես տարի անց:
«Մենք որոշել ենք սարք ստեղծել, որը կհետեւի յուրաքանչյուր զինվորի երկրաբանական դիրքին եւ ֆիզիկական կարեւոր ցուցանիշներին եւ այդ տվյալների հիման վրա հնարավոր կլինի արագ որոշում կայացնել զորքերի տեղակայման, մարտավարության փոփոխության վերաբերյալ, իսկ դրանից հետո՝ մարտավարական սխալների վերլուծությունը», - պատմել է գիտական ղեկավար Իգոր Բոգուն:
Գիտնականը պնդում է, որ ինքն իր գյուտը «չի վաճառի ոչ մի գումարի դիմաց, նախագիծը պետք է իրականացվի միայն Ուկրաինայում»:
