Մումբայից Դելի թռիչքն իրականացնող IndiGo ավիաընկերության ուղեւորատար ինքնաթիռը՝ 147 ուղեւորներով եւ անձնակազմի 6 անդամներով, հրդեհվել է Դելիի օդանավակայանում վայրէջքի ժամանակ:

Հրդեհի մասին տեղեկություններ ստացած ինքնաթիռի կապիտանը հանձնարարել է բոլոր ուղեւորներին անհապաղ տարհանում իրականացրել:

Ավիաընկերությունում ասվում է, որ որոշ ուղեւորներ տարբեր աստիճանի ծանրության տարբեր վնասվածքներ են ստացել: Օդանավակայանի աշխատակիցները տուժածներին օգնություն են ցուցաբերել հենց օդանավակայանի շենքում:

Հրդեհի պատճառները պարզաբանվում են: