Այսօր՝ օգոստոսի 20-ին, ժամը 18-00-ի մոտ, հորդառատ անձրեւի հետեւանքով փակվել է Վանաձոր-Ալավերդի Մ6 միջպետական ավտոճանապարհի երկու հատված՝ 15-րդ եւ 17-րդ կմ հատվածում։

Լոռու մարզում NEWS.am-ի թղթակիցը հաղորդում է, որ 15-րդ կմ-ում քանդվել է ճանապարհի կեսը, եթթեւեկությունը դարձել է միակողմանի, եւ եթե ճանապարհը շարունակի քանդվել, լուրջ խնդիրներ կարող են առաջանալ, քանի որ ճանապարհի աջ կողմով անցնում է Նովոսելցովո-Վանաձոր 1000մմ տրամագծով ջրատարը, որն ապահովում է Վանաձոր քաղաքի խմելու ջրի 60 տոկոսը։ Նշենք, որ այս հատվածում երկու ամիս առաջ էլ էր փլուզում տեղի ունեցել, Տրանսպորտի եւ կապի նախարարությունը վերանորոգման աշխատանքներ էր իրականացրել այդ հատվածում։

Ճանապարհի 17-ում կմ-ում տեղի է ունեցել քարաթափում, ճանապարհը, որը վարորդները մաքրել են իրենց ուժերով, այժմ միակողմանի երթեւեկելի է միայն մարդատարների համար, իսկ բեռնատարներն այժմ կանգնած են խցանման մեջ։ Մեր թղթակիցը հաղորդում է, որ այս հատվածում նաեւ նաեւ նոր քարաթափման վտանգ կա։

Սողանքի հետեւանքով նաեւ կտրվել է  Վրաստան-Հայաստան ինտերնետային մալուխը, որն այս պահին վերականգնվում է։

Այս պահին դեպքի վայրում են միայն ՃՈ աշխատակիցները։