Գվատեմալայի Ուեուոթենանգո դեպարտամենտում, որը հարում է Մեքսիկայի սահմանին, ընկել է զինվորականների տեղափոխող ռազմական ուղղաթիռը։ Այս մասին հայտնում է ԻՏԱՌ-ՏԱՍՍ-ը՝ վկայակոչելով Գվատեմալայի ՊՆ-ին։
Ուղղաթիռը վթարի է ենթարկվել լեռներում, այդ պատճառով վթարի վայր հասնելը դժվար է։ Նախնական տվյալով՝ ավիավթարի զոհ է դարձել գվատեմալացի առնվազն հինգ զինծառայող, այդ թվում՝ Գվատեմալայի ԶՈՒ շտաբի պետ Ռուդի Օրտիսը։
Ըստ փրկարարների՝ օդանավում կար ութ մարդ։
Ավիավթարի պատճառները ճշտվում են։