Իրաքի իշխանություններին օգնող ամերիկացի զինվորականները Մոսուլի շրջակայքում եւս 14 ավիահարված են հասցրել «Իսլամական պետություն» խմբավորման դիրքերին։ Կործանիչների եւ անօդաչուների գրոհի արդյունքում ոչնչացվել կամ վնասվել է 6 ամենագնաց, ինքնաշեն պայթուցիկների 3 պահեստ, 1 ականանետ եւ ռազմական 2 բեռնատար։

Իրաքում օգոստոսի 8-ից ի վեր ավիահարվածների թիվը հասել է 84-ի, փոխանցում է «ՌԻԱ Նովոստին»։

Հիշեցնենք, ավելի վաղ ահաբեկիչները ցանցում տեղադրել էին ամերիկացի լրագրող Ջեյմս Ֆոուլիի մահապատօժը պատկերող տեսագրություն, հրապարակել էին նաեւ տեսագրություն մեկ այլ ամերիկացի լրագրող Սթիվեմ Սոթլոֆի մասնակցությամբ՝ հայտարարելով, որ նրա կյանքը Վաշինգտոնի հետագա գործողություններից է կախված։ Օգոստոսի 20-ին ԱՄՆ-ի նախագահ Բարաք Օբաման հայտարարել էր որ ԱՄՆ-ն կշարունակի  «Իսլամական պետություն» դեմ պայքարը։