Ուկրաինայի նախագահ Պյոտր Պորոշենկոն խոստովանել է, որ Դոնբասում իրավիճակը միայն ռազմական ուժով հարթելն անհնար է։ Այս մասին նա հայտարարել է օգոստոսի 20-ին ՄԱԿ-ի գլխավոր քարտուղարի տեղակալ Ջեֆրի Ֆելթմանի հետ հանդիպմանը։
«Դոնեցկի եւ Լուգանսկի բնակիչները խաղաղություն են ցանկանում։ Մենք գիտակցում ենք, որ իրավիճակը չի կարելի հարթել միայն ռազմական միջոցներով», - Պորոշենկոյի խոսքերն է մեջբերիում Ուկրաինայի նախագահի մամուլի ծառայությունը։
Նախագահը նաեւ նշել է, որ Ուկրաինայում ներքին հակամարտություն չկա, իսկ Դոնբասում կռվում են ռուսական կադրային զինծառայողները։
Պորոշենկոյի խոսքով՝ տեղեկություն կա, որ Ռուսաստանը շարունակում է անջատականներին նորագույն զենք մատակարարել. տանկեր, հրետանի, հրթիային սարքավորումներ, այնպիսիք, որոնցով խփվել էր մալայզիական օդանավը։
«Ես վստահ եմ, որ քաղաքացիական օդանավի դեմ հարձակումը բոլորի կողմից մեկնաբանվում էր որպես միջազգային ահաբեկչություն, եւ դրան մասնակից հանցագործները պետք է քեական պատասխանատվության ենթարկվեն», - հայտարարել է Պյոտր Պորոշենկոն։
