ԱՄՆ-ի եւ Ուկրաինայի պաշտպանության գերատեսչությունների ղեկավարների՝ Չակ Հեյելի եւ Վալերի Գելետեյի միջեւ հեռախոսազրույց է տեղի ունեցել: Կողմերը քննարկել են Դոնբասի իրավիճակը, ինչպես նաեւ «ԱՄՆ-ի կողմից Ուկրաինային ռազմական օգնություն մատակարարելու ընթացիկ վիճակը»: Այդ մասին հաղորդում է Պենտագոնի մամուլի ծառայությունը:
Բանակցությունների ընթացքում Հեյգելը հայտարարել է, որ «հրադադարի մասին հնարավոր համաձայնությունների շուրջ ցանկացած քննարկում պետք է անցկացվի ուկրաինական կողմի մասնակցությամբ»:
Հիշեցնենք, որ օգոստոսի սզբին Պենտագոնը որոշում է ընդունել, որտեղ նշված է, որ հաջորդ տարի հատուկ ռազմական հրահանգիչներ պետք է ուղարկվեն ուկրաինական զինվորականների վերապատրաստման նպատակով: ԱՄՆ-ի պատշանոթյան գերատեսչությունը այդ նպատակով Պենտագոնի եւ Պետքարտուղարության ընդհանուր ֆոնդից պատրաստ է 19 մլն դոլար հատկացնել, որը նախատեսված է ահաբեկչության դեմ պայքարի ծրագրերի ուսուցումը ֆինանսավորելու համար:
