Իրաքցի փախստական կինը հնգյակ է ունեցել ոտքով Սիրիա հասնելուց մի քանի շաբաթ անց:
Ծագումով եզդի 27-ամյա Թամամը կեսարյան հատման միջոցով հնգյակ է ունեցել սիրիական Էլ Քամըշլը քաղաքի հիվանդանոցում: Այս մասին հայտնել է ՄԱԿ-ի փախստականների հարցերով գերագույն հանձնակատարի գրասենյակը:
Թեեւ կինը հղիության յոթերորդ ամսում է ծննդաբերել, ըստ բժիշկների՝ այս պահին մայրն ու զավակները իրենց լավ են զգում:
Թամամը Սիրիայի քաղաքացի է, Մոսուլ էր տեղափոխվել մեկ տարի առաջ՝ իրաքցու հետ ամուսնանալուց հետո: Նրանք փախել էին այն բանից հետո, երբ զինված գրոհայինները գրավել էին քաղաքը: Ըստ կնոջ՝ նրանք եզդի այլ յոթ ընտանիքների հետ ոտքով գնացել են երկու օր՝ նախքան սիրիական սահմանին հասնելը:
