Օգոստոսի 21-ին Գարեգին Բ Ամենայն հայոց կաթողիկոսը ցավակցագիր է հղել Հռոմի Սրբազան Քահանայապետ Ֆրանցիսկոս Պապին` ավտովթարի հետեւանքով նրա հարազատների ողբերգական մահվան կապակցությամբ:
«Մեր խորին վշտակցությունն ենք հայտնում ու ցավակցում Ձեզ եւ Ձեր հարազատներին: Աղոթում ենք, որ Տերն Իր սիրո եւ ողորմության մէջ ընդունի նրանց հոգիները… եւ մխիթարություն պարգեւի Ձեզ, Ձեր ընտանիքի անդամներին ու հարազատներին:
Թող Բարձրյալն Աստված օգնական լինի Ձեզ եւ դժվարին այս պահին զորացնի` հաղթահարելու մեծ կորստյան ցավը եւ շարունակելու Ձեր Աստուածահաճո Հովվապետական առաքելությունը», - ասված է Վեհափառ Հայրապետի ցավակցական ուղերձում: