ՀՀ կառավարության պատվիրակությունը Վրաստանի պատվիրակության հետ քննարկել է համատեղ սահմանի սահմանային անցակետերի հարցը: Այս մասին օգոստոսի 21-ին Վրաստանի վարչապետ Իրակլի Գարիբաշվիլիի հետ համատեղ ասուլիսի ընթացքում լրագրողներին հայտնել է ՀՀ վարչապետ Հովիկ Աբրահամյանը:
Նա հավելել է, որ քննարկման եւս մեկ հարց է դարձել վրաց-ռուսական Վերին Լարս-Կազբեգ սահմանային անցակետի հետ կապված իրավիճակը, որտեղ այսօր գիշեր փլուզում է տեղի ունեցել: «Մենք վրաց գործընկերներին առաջարկեցինք մեր օգնությունը՝ հետեւանքները վերացնելու գործում», - հայտարարել է Աբրահամյանը:
Նշենք, Հայաստանի տրանսպորտի փոխնախարար Արթուր Առաքելյանն ավելի վաղ հայտնել էր, որ ճանապարհն այս պահին փակ է: Խնդիրներ էին ծագել «Հյուսիսային Կովկաս-Անդրկովկաս» գազատարի հետ, որով ռուսական գազը Հայաստան է մտնում: Օգոստոսի 20-ի երեկոյան ժամը 11-ի սահմաններում այն անջատվել էր:
