1992-1994թթ. Իռլանդիայի վարչապետի պաշտոնը զբաղեցրած Ալբերտ Ռեյնոլդսը վախճանվել է 81 տարելան հասակում, հայտնում է ԻՏԱՌ-ՏԱՍՍ-ը՝ վկայակոչելով BBC-ն:
Ռեյնոլդսը ծնվել էր 1932 թ.՝ Ռոսքոմոն կոմսությունում: Նրա շատ գործընկերներ նշել են, որ նախկին վարչապետի ամենամեծ ձեռքբերումը Հյուսիսային Իռլանդիայում իրադրության կայունացումն էր եւ Իռլանդիայի ու Մեծ Բրիտանիայի հարաբերությունների բարելավումը:
«Նրա վճռականությունը հնարավոր էր դարձնում անհնարինը»,- ասվում է Իռլանդիայի Լեյբորիստական կուսակցության հայտարարությունում:
Ռեյնոլդսը Իռլանդիայի խորհրդարանի պատգամավոր էր դարձել 1977 թ.: 1982 թ. նշանակվել էր արդյունաբերության նախարար: 1988 -1991 թթ. զբաղեցրել էր Իռլանդիայի ֆինանսների նախարարի պաշտոնը: 1994 թ. լքել էր վարչապետի պաշտոնը: