Կորցրած պոչը վերականգնելու մողեսների ունակության մեխանիզմները հասկանալը կօգնի վերականգնողական բժշկությանը, մարդկային օրգանների եւ հյուսվածքների վերականգնմանը, վստահ են գիտնականները, որոնք իրենց արդյունքներն են հրապարակել PLOS ONE ամսագրում:
Նրանք աշխատել են կանաչ մողեսի հետ, որը գիշատչի հարձակման ժամանակ թողնում է պոչը եւ փրկվում: Կորցրած պոչը հաջող կերպով աճում է: Գիտնականները մանրամասն ուսումնասիրել են, թե մողեսի որ գեներն են աշխատում պոչի վերականգնման գործընթացում:
Պարզվել է, որ վերականգնմանը մասնակցում է 326 գեն:
Գիտնականներն ընդգծում են, որ վերջույթները վերականգնելու ունակ կենդանիների շարքում (սալամանդրներ, որոշ գորտեր, ձկներ), մողեսները գենետիկորեն ամենամոտն են մարդուն:
Ըստ ուսումնասիրության հեղինակների՝ ստացված գիտելիքները կօգնեն վերականգնողական նոր ազդեցիկ միջոցներ մշակել ողնուղեղի եւ հյուսվածքների վնասվելու դեպքում, փոխանցում է gazeta.ru-ն: