Ֆրանսիայի Հայկական կազմակերպությունների կոորդինացիոն խորհուրդը կրկին միացել է Ֆրանսիայի քրդական ընկերակցության դաշնության եւ Ֆրանսիայի եզդիների ընկերակցության կոչին՝ ի աջակցություն «Իսլամական պետություն» խմբավորման հանցագործություններին դիմադրության: Ինչպես գրում է «Nouvelles d'Arménie» ամսագիրը, ցույց կկազմակերպվի օգոստոսի 23-ին, բողոքի ակցիան կմեկնարկի 17:00-ին՝ Փարիզի Հանրապետության հրապարակում:
Ցույցի նպատակը «Իրաքի եւ Լեւանտի (Շաիմի) իսլամական պետություն» խմբավորման կողմից իրականացված ջարդերի դատապարտումը, միջազգային հանրությանը այդ խմբավորմանը ֆինանսավորող ու աջակցող մարդասպան-պետությունների դեմ անհապաղ քայլեր ձեռնարկելու կոչն ու փախստականներին հետագա հումանիտար օգնություն տրամադրելու խնդրանքն ու դիմադրության աջակցությունն է: