Աբխազիայի նախագահի պաշտոնակատար, խորհրդարանի նախագահ Վալերի Բգանբան Բելառուսի նախագահ Ալեքսանդր Լուկաշենկոյին Մինսկի կողմից հանրապետության ինքնիշխանության եւ անկախության ճանաչման մասին հարցը քննարկելու խնդրանքով նամակ է ուղարկել:
Փաստաթղթի բովանդակությունը հինգշաբթի հրապարակվել է «Ապսնըպրես» աբխազական գործակալության կայքում:
«Ժամանակակից Աբխազիայի Հանրապետությունը, իր սահմանադրությանը համաձայն, ինքնիշխան պետություն է, որը, փաստացիորեն ձեռք բերելով անկախություն, իրավաբանական ձեւակերպման բավականին երկար ճանապարհ է անցել: Աբխազիայի Հանրապետության՝ որպես միջազգային իրավական սուբյեկտի հաստատման ելակետային պահը ՌԴ-ի կողմից 2008թ. օգոստոսի 26-ին նրա անկախության ճանաչումն է», - ասվում է նամակում:
Աբխազիայի ինքնիշխանությունն ու անկախությունը ճանաչվել են նաեւ ՄԱԿ-ի մի շարք անդամ-պետությունների կողմից՝ Նիկարագուայի Հանրապետության (2009թ սեպտեմբերի 5), Նաուրուի Հանրապետության (2009թ.դեկտեմբերի 15), Վենեսուելայի Բոլիվարյան Հանրապետության (2009թ. սեպտեմբերի 10):
«Աբխազիայի հանրապետության ճանաչումը լիովին համապատասխանում է միջազգային հարաբերությունների ժամանակակից իրականությանը», - ասվում է փաստաթղթում:
Այնտեղ նաեւ նշվում է, որ Աբխազիան ապագայում հույս ունի մասնակցել «Եվրամիության կառուցման մեջ»:
