Թուրքիայի Անթալիա հանգստավայր ժամանած գերմանացի ամուսիններին վարձակալած բնակարանի մեջ սպանված են գտել։
Թուրքական Milliyet-ի փոխանցմամբ՝ Գերմանիայի քաղաքացիներ Փեթեր Հորվարթը եւ նրա կինը՝Քերսթին Հորվարթը հանգիստն անցկացնելու համար ժամանել էին Թուրքիայի Անթալիա նահանգ եւ բնակարան վարձակալել։ Զույգից երկար ժամանակ տեղեկություններ չստացող ազգականները անհանգստացել են եւ դիմել թուրքական ոստիկանությանը։
Ոստիկանները զույգին հայտնաբերել են վարձակալած տան մեջ սպանված վիճակում։ Նշվում է, որ զույգի ձեռքերը եղել են կապված, իսկ մահը վրա է հասել գլխներին հասցված հարվածների հետեւանքով։