«Ռոսպոտրեբնադզորի» Մոսկվայի վարչությունը հայտնել է սանիտարական օրենսդրության պահանջների խախտումների հայտնաբերման եւ «McDonald`s» արագ սպասարկման մի քանի ձեռնարկությունների գործունեության դադարեցման մասին:
«Ռոսպոտրեբնադզորի» ղեկավար, ՌԴ գլխավոր սանիտարական բժիշկ Աննա Պոպովան հաստատել է, որ արագ սպասարկման «McDonald`s» ռեստորանների ստուգման ժամանակ խախտումներ են հայտնաբերվել:
«Հայտնաբերվում են սանիտարական պահանջների խախտումներ: Դրանք անլուրջ չեն լինում»,- բժշկի խոսքերն է մեջբերում «Ինտերֆաքսը»:
Մասնավորապես, Մոսկվայում ցանցի չորս ձեռնարկությունների աշխատանքն արդեն դադարեցվել է:
