News
Լրահոս
News
Երեքշաբթի
Մարտ 19
Տեսնել լրահոսը

Հայաստանի իրավիճակը Երեւանին կատարյալ հնարավորություն է տալիս շահել արեւմտյան ապրանքների դեմ Ռուսաստանի սահմանած պատժամիջոցներից: NEWS.am-ի թղթակցի հետ զրույցում նման կարծիք հայտնեց «Macro-Advisory» (Մոսկվա) խորհրդատվական ընկերության համահիմնադիր, ամերիկացի փորձագետ Քրիս Ուիֆերը:

Նրա խոսքով՝ Կրեմլը շատ է ցանկանում, որպեսզի Հայաստանը Եվրասիական տնտեսական միությանն անդամակցի եւ չշեղվի դեպի Եվրոպա: Եղանակներից մեկը հայկական ապրանքների ներկրումն է: Ռուսաստանը կսկսի ակտիվորեն ապրանքներ ներկրել ԱՊՀ նաեւ այլ երկրներից՝ նպատակ ունենալով, այսպես ասած, «տնտեսական եւ քաղաքական հարաբերությունները համախմբել մերձավոր հարեւանների հետ»:

«Նման քաղաքականություն կկիրառվի կամ արդեն կիրառվում է այն պետությունների հանդեպ, որոնց հետ Ռուսաստանը ցանկանում է ամրապնդել տնտեսական կապերը՝ ներառյալ խոշոր զարգացող տնտեսությունները: Քաղաքականության մաս կարող ենք համարել ապրանքների ներմուծումը Լատինական Ամերիկայի երկրներից»,- նշեց վերլուծաբանը:

Նրա կարծիքով՝ նման ռազմավարության պատճառներից մեկն այն փաստն է, որ Ռուսաստանն իր պարենային ինքնաբավությունը կարող է լրջորեն ամրապնդել լավագույն դեպքում մի քանի տարի հետո: «Ավելի քան 20 տարի ռուսական արդյունաբերությունը տառապում էր ներդրումների պակասից եւ կադրերի արտահոսքից: Կան նաեւ համակարգային խնդիրների, այդ թվում՝ արդյունավետության, դրանք արագ լուծել չի հաջողվում»,- պարզաբանեց Ուիֆերը:

Այդ պատճառով, ըստ փորձագետի, Մոսկվան փորձում է շահել իր մատակարարների ընտրության գործընթացից: Ռուսական շուկայում նոր հեռանկարներ կբացվեն Ռուսաստանի համար վստահելի մատակարարների համար Եվրասիական միության երկրներից եւ ՌԴ շահերի գոտու այլ պետություններից:

«Սա չի փոխում տեղական ագրոարդյունաբերության եւ սննդի արդյունաբերության զարգացման նկատմամբ ուշադրությունը, որտեղ կառավարությունը կփորձի նոր ներդրումներ գրավել: Նախագահ Պուտինը տարիներ առաջ հայտարարում էր, որ Ռուսաստանը պետք է բարձրացնի ինքնաբավությունն այնպիսի ոլորտներում, ինչպիսիք են սննդի արդյունաբերությունն ու բժշկությունը: Արդի ճգնաժամային իրավիճակը Ռուսաստանի կառավարությունը փորձում է լավագույնս օգտագործել՝ որպես փաստարկ անհրաժեշտ ներդրումները գրավելու համար»,- եզրափակեց նա:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երևանը Ռուսաստանում նախընտրական քարոզարշավի ժամանակ սադրիչ հայտարարություններ էր անում. Տարասով
Հայաստանը շատ թույլ օղակ է դարձել տարածաշրջանային անվտանգության համակարգում...
«Որոշումների առանցքում ՀՀ-ի արժանապատվության հարցն է»․ ԲՏԱ նախարարը՝ ռուսական ալիքները մուլտիպլեքսից հանելու մասին
Ոչ միայն որեւէ փոփոխություն բովանակության առումով չի եղել, այլեւ վերջին շրջանում նմանօրինակ հաղորդումների հաճախականությունը պարբերաբար է դարձել...
ՌԴ-ի հետ հարաբերությունների վատթարացումը կասկածի տակ է դնում ՀՀ անվտանգությունը. Նախկին փոխարտգործնախարար
Նա անընդունելի համարեց հարաբերությունների վատթարացումը գերտերության հետ՝ ի դեմս Ռուսաստանի, Արևմուտքի հետ հարաբերությունները բարելավելու համար...
«Զվարթնոցում» ռուս սահմանապահների հարցն օգտագործվում է հայերին ՌԴ-ի դեմ տրամադրելու համար. Լեւոն Ստեփանյան
Գեներալ-մայոր Լեւոն Ստեփանյանը մեկնաբանել է օդանավակայանում ռուս սահմանապահների դուրսբերման հարցը...
«Փաստ». ՀԱՊԿ-ից դուրս կգան Պուտինի ընտրության օ՞րը
«Փաստ» թերթի աղբյուրների փոխանցմամբ, իշխանական նեղ շրջանակներում բավականին տագնապ և...
Դժվար թե դա համապատասխանի ՀՀ անվտանգության շահերին. Զախարովան՝ Զվարթնոցից ռուս սահմանապահների դուրսբերման մասին
Միաժամանակ նա նշել է, որ նշված հայտարարությունը հայկական կողմից արվել է «պաշտոնական Երևանի մի շարք ոչ...
Ամենաշատ