Ամերիկյան Microsoft ընկերությունը Windows համակարգի նոր տարբերակը կներկայացնի սեպտեմբերի 30-ին: Ըստ The Verge-ի, սպասվում է, որ ընկերությունը կցուցադրի ОС բետա-տարբերակը՝ Threshold անվանումով:

Փորձագետները ենթադրում են, որ օպերացիոն հաջորդ համակարգը բոլոր օգտատերերի համար հասանելի կլինի 2015 թվականի գարնանը: Այս մասին տեղեկացնում է «ԻՏԱՌ ՏԱՍՍ»-ը:

Այս շնորհանդեսն ընկերության համար դառնալու է առաջին խոշոր իրադարձությունն այն բանից հետո, երբ Սաթյա Նադելլան զբաղեցրեց կորպորացիայի ղեկավարի պաշտոնը՝ փոխարինելով Microsoft-ի վետերան Սթիվ Բալմերին: Ընկերության նախկին ղեկավարն օգոստոսի 19-ին դուրս եկավ տնօրենների խորհրդի կազմից՝ վերջնականապես հեռանալով կորպորացիայից: