Փրկարար ծառայությունն օգոստոսի 22-ին, ժամը 08.17-ին ահազանգ է ստացել, որ Թալին-Երեւան ավտոճանապարհին ավտոմեքենա է այրվում:
Դեպքի վայր է մեկնել մեկ մարտական հաշվարկ:
Պարզվել է, որ միջպետական Մ-9 ավտոճանապարհի Թալին-Երեւան հատվածի 6-րդ կմ-ում «ՎԱԶ-2106» մակնիշի 34 ST 099 պ/հ ավտոմեքենան դուրս է եկել ճանապարհի երթեւեկելի մասից, գլորվել ձորը եւ բռնկվել:
Տուժածներ չկան:
Հրդեհը մեկուսացվել է ժամը 08.23-ին, մարվել` 08.40-ին:
Պարզվել է, որ այրվել են ավտոմեքենայի դիմային հատվածը եւ սրահն` ամբողջությամբ: