Արագածոտնի մարզի Թալին քաղաքում օգոստոսի 20-ին ծեծի ենթարկված սիրիահայ սրտաբան Բողոս Աղոյանի բողոքի հիման վրա հետաքննություն է կատարվում: Այս մասին NEWS.am-ին հայտնեցին ոստիկանության լրատվական ծառայությունից:
Նրանց փոխանցմամբ՝ քրեական գործ հարուցված չէ:
Հիշեցնենք, որ Արագածոտնի մարզի Թալին քաղաքի հիվանդանոցում աշխատող 41-ամյա սիրիահայ սրտաբան Բողոս Աղոյանն ավելի վաղ NEWS.am-ի հետ զրույցում պատմել էր, որ մեքենայի կայանման շուրջ վիճաբանության մեջ էր մտել Թալինի քաղաքապետի բարեկամների հետ, նրանք բժշկին հայհոյել էին եւ ծեծի ենթարկել: Բողոս Աղոյանը դեպքի առթիվ հաղորդում է տվել ոստիկանությունում: Քաղաքապետն էլ իր հերթին պնդում է, որ իր բարեկամները կապ չունեն այդ միջադեպի հետ: