Մերձդնեստրում շրջանառության մեջ են դրվել 1, 3, 5 եւ 10 տեղական ռուբլի անվանական արժեքով մետաղադրամներ: Այդ մասին հաղորդվում է Մերձդնեստրի հանրապետական բանկի կայքում:
«Այսօրվա դրությամբ նման փողեր ոչ մի տեղ չեն արտադրվում: Սա նորարարություն է ոչ միայն Մերձդնեստրի, այլ նաեւ համաշխարհային բանկային հանրության համար: Դրանք մշակված են մեր Ռուսաստանի Դաշնության մեր գործընկերների կողմից եւ առաջին անգամ կներդրվեն մեզ մոտ», - հայտարարել է Մերձդնեստրի հանրապետական բանկի փոխնախագահ Օլգա Ռադուլովան, հաղորդում է «ՌԻԱ Նովոստին»:
Նշվում է, որ մետաղադրամների ներդրումը նվիրված է չճանաչված հանրապետության ազգային արժույթի 20-ամյակին:
Հստակեցվում է, որ շրջանաձեւ 1 ռուբլի անվանական արժեքով մետաղադրամի վրա պատկերված է Ալեքսանդր Սուվորովը, քառակուսի, 3 ռուբլի անվանական արժեքով մետաղադրամի վրա՝ Ֆրանց Դեւոլանի դիմանկարը, հնգանկյուն, 5 ռուբլի անվանական արժեքով մետաղադրամի վրա պատկերված է Պյոտր Ռումյանեցը, իսկ 10 ռուբլիանով վեցանկյուն մետաղադրամի վրա՝ ռուս կայրուհի Եկատերինա 2-րդը:
