ՄԱԿ-ի Անվտանգության խորհուրդը հակամարտությունների նկատմամբ առավել պատասխանատու վերաբերմունք ունենալու դեպքում կարող էր հարյուր հազարավոր կյանքեր պահպանել : Նման կարծիք է հայտնել մարդու իրավունքների հարցերով ՄԱԿ-ի գերագույն հանձնակատար Նավի Փիլայը, հաղորդում է BBC-ի ռուսական ծառայությունը:
Հանձնակատարի պաշտոնից հեռանալուց առաջ իր ելութում Փիլայը ասել է, որ կարճաժամկետ աշխարհաքաղաքական շահերը եւ ազգային շահերի նեղ ընկալումը բազմաթիվ անգամներ ավելի բարձր են դասվել միջագային անվտանգության լուրջ խախտումներից եւ մարդկային տառապանքներից:
Նա նաեւ նշել է, որ անարդյունավետ է համարում ԱԽ-ի որոշ մասնակիցների՝ Խորհրդի որոշումների վրա վետո դնելու իրավունքը, սակայն չի հստակեցրել՝ կոնրետ ո՞ր երկրների մասին է խոսքը: