Գյուղատնտեսության նախարարությունը առաջարկում է աջացել Հայաստանի սահմանամերձ գյուղերում ցորենի աճեցմանը: Այդ մասին այսօր՝ օգոստոսի 22-ին, մամուլի ասուլիսի ժամանակ հայտարարեց Հայաստանի գյուղատնտեսության նախարար Սերգո Կարապետյանը՝ ամփոփելով Հովիկ Աբրահամյանի կառավարության կազմում իր աշխատանքի առաջին 100-րդ օրը:
Կառավարությանը ներկայացված ծրագրով՝ բարձրլեռնային եւ սահմանամերձ գյուղերի հացահատիկ աճեցնող գյուղացիներին յուրաքանչյուր հեկտարի ցանքի համար առաջարկվում է 40 հազար դրամի չափով աջակցություն տրամադրել: Ծրագիրը նախատեսվում է գործարկել 2015թ.-ից:
Նշենք, որ մի քանի տարի առաջ նմանօրինակ ծրագիր արդեն գործում էր, միայն թե աջակցության չափը ավելի քիչ էր՝ 35 հազար դրամ: «Մենք հույս ունենք այն վերականգնել, քանի որ վերջինս օգտակար կլինի ամայացած հողերը շրջանառության մեջ ներգրավելու համար եւ գյուղացիների համար եկամտի ստացման նոր հնարավորություններ կընձեռի», - հավելեց Կարապետյանը: