Ռուսաստանի արտաքին գործերի փոխնխարար Իգոր Մորգուլովը Ռուսաստանում Ճապոնիայի դեսպան Տիկահիտո Հարադեին հանձնել է Ճապոնիայի այն քաղաքացիների ցուցակը, որոնց մուտքը Ռուսաստանի Դաշնություն արգելված է:
ՌԴ-ի ԱԳՆ-ի մամուլի ծառայությունը հաղորդում է, որ այս որոշումն ընդունվել է՝ ի պատասխան Տոկիոյի կողմից ՌԴ-ի մի շարք քաղաքացիների նկատմամբ ներդրված պատժամիջոցների:
Ավելի վաղ հայտնի էր դարձել, որ Ռուսաստանի նկատմամբ Ճապոնիայի պատժամիջոցների ցուցակում ներառվել են 40 ֆիզիկական անձինք, ովքեր, Տոկիոի կարծիքով «ներգրավված են Ուկրաինայում իրավիճակի ապակայունացմանը»:
Համաձայն ցուցակի, Ճապոնիան սառեցնում է Ուկրաինայի նախկին նախագահ Վիկտոր Յանուկովիչի, Ղրիմի նախագահի ժամանակավոր պաշտոնակատար Սերգեյ Աքսյոնովի, հանրապետության Պետխորհրդի ղեկավար Վլադիմիր Կոնստանտինովի, Սևծովյա նավատորմի հրամանատարի տեղակալ Ռուստամ Թեմիրգալիևի և մի շարք այլ անձանց ակտիվները, Ղրիմի Հանրապետության Դաշնային միգրացիոն ծառայության ղեկավար Պյոտր Յարոշը, ԴՄԾ Սևաստոպոլի վարչության ղեկավար Օլեգ Կոժուրան, Ղրիմի դատախազ Նատալյա Պոկլոնսկայան, Սևաստոպոլի դատախազ Իգոր Շևչենկոն եւ այլն:
Պատժամիջոցները նախատեսում են ֆիզիկական եւ իրավաբանական անձանց բանկային հաշիվների սառեցում: