Նախաքննությամբ հիմնավորվել է, որ ՀՀ ոստիկանության Երեւան քաղաքի քննչական վարչության ՃՏՀ քննության բաժնի ավագ քննիչ Աշոտ Ասատուրյանը 2013 թվականի մարտի 30-ին, անձնական այլ շահագրգռվածությունից ելնելով, Թելման Սաղաթելյանի դրդմամբ, վթարի փաստի առթիվ նյութերի նախապատրաստելու ընթացքում ՃՏՊ մասնակիցներ Անժելա Ջանգիրյանից եւ Համլետ Գրիգորյանից բացատրություններ վերցնելիս խեղաթյուրել է վթարի իրական հանգամանքները:
Աշոտ Ասատուրյանն Անժելա Ջանգիրյանին եւ Համլետ Գրիգորյանին թելադրել է դեպքի իրական փաստական հանգամանքներին հակասող բացատրություններ՝ ՃԵԿ խախտումը վերագրելով վթարում ակնհայտ անմեղ Համլետ Գրիգորյանին:
Խեղաթյուրված եզրահանգումների հիման վրա ավագ քննիչ Աշոտ Ասատուրյանը 2013 թվականի ապրիլի 27-ին կայացրել է քրեական գործ հարուցելը մերժելու մասին ապօրինի որոշում, որն օգտագործելով Թելման Սաղաթելյանի եւ Անժելա Ջանգիրյանի կողմից նախնական համաձայնությամբ, «Ռոսգոսստրախ Արմենիա» ՓԲ ընկերությունից խմբով հափշտակել են խոշոր չափերի հասնող գումար եւ նշված ընկերությանը խաբեությամբ պատճառել խոշոր չափերի հասնող գույքային վնաս:
Աշոտ Ասատուրյանին մեղադրանք է առաջադրվել ՀՀ ՔՕ 38-178-րդ հոդվածի 2-րդ մասի 1-ին եւ 2-րդ կետերի, 38-184-րդ հոդվածի 2-րդ մասի 2-րդ կետի եւ 308-րդ հոդվածի 1-ին մասի հատկանիշներով: Թելման Սաղաթելյանի մեղադրանք է առաջադրվել ՔՕ 178-րդ հոդվածի 2-րդ մասի 1-ին եւ 2-րդ կետերով, 184-րդ հոդվածի 2-րդ մասի 2-րդ կետով եւ 38-308-րդ հոդվածի 1-ին մասով: Անժելա Ջանգիրյանին մեղադրանք է առաջադրվել ՀՀ ՔՕ 178-րդ հոդվածի 2-րդ մասի 1-ին եւ 2-րդ կետերով եւ 184-րդ հոդվածի 2-րդ մասի 2-րդ կետով: Համլետ Գրիգորյանին մեղադրանք է առաջադրվել ՀՀ ՔՕ 38-178-րդ հոդվածի 2-րդ մասի 1-ին եւ 2-րդ կետերով եւ 38-184-րդ հոդվածի 2-րդ մասի 2-րդ կետով: Քրեական գործը մեղադրական եզրակացությամբ հանձնվել է նախաքննության նկատմամբ հսկողություն իրականացնող դատախազին՝ այն հաստատելու եւ դատարան ուղարկելու համար: