«Ջոս» ռեստորանային համալիրի ակումբում օգոստոսի 22-ի լույս 23-ի գիշերը ծեծկռտուք է տեղի ունեցել:
NEWS.am-ի տեղեկություններով՝ անհայտ անձինք վիճաբանել են, որը վերածվել է ծեծկռտուքի, ինչը ստիպված են եղել հանդարտեցնել իրավապահների միջամտությամբ: Ըստ ականատեսներից մեկի՝ ռեստորանից ահազանգել են ոստիկանների, որոնց ժամանելուց հետո միջադեպը հարթվել է:
Ոստիկանությունից հաստատեցին կատարվածը, սակայն մանրամասները չհայտնեցին:
Համալիրի կառավարիչ Վահրամ Քոչարյանը NEWS.am-ի հետ զրույցում հերքեց ծեծկռտուքի մասին տեղեկատվությունը՝ նշելով, որ թեթեւ ընդհարում է տեղի ունեցել, որը վայրկյանների ընթացքում հարթվել է:
«Լուրջ ոչինչ չի եղել, պարողներն իրար չեն հասկացել, թեթեւակի ընդհարում է եղել, որը վայրկյանների ընթացքում հարթվել է: Ոստիկանություն էլ բողոք չենք ներկայացրել, որովհետեւ ոչինչ չի եղել, իսկ դեպքին արձագանքել են հենց մեր համալիրի հենակետի աշխատակիցները»,- ասաց նա: