Ուկրաինան կարող է 500 մլն եվրո հումանիտար օգնություն ստանալ Դոնբասի վերականգնման համար: Այդ մասին Ուկրաինայի նախագահ Պյոտր Պորոշենկոն նշել է Կիեւում Գերմանիայի կանցլեր Անգելա Մերկելի հետ համատեղ մամուլի ասուլիսի ընթացքում, հաղորդում է ՈւՆԻԱՆ-ի թղթակիցը:
«Ցանկանում են շնորհակալություն հայտնել Գերմանիային հատուկ հիմնադրամի աշխատանքին սկիզբ դնելու համար, որի մասին կհայտարարեն դոնոր կոնֆերանսում սեպտեմբերի կեսերին Եվրոպական Միությունում, որտեղ 500 մլն եվրո կներկայացվի Դոնբասի ենթակառույցների վերականգնման համար»,- ասել է նախագահը:
Պորոշենկոյի խոսքով՝ ժամանակին հետպատերազմյան Գերմանիայի համար նախաձեռնեցին Մարշալի պլանը: «Այսօր կարող եմ նշել «Մերկելի պլանի» մեկնարկի մասին հանուն Դոնբասի ենթակառույցների վերականգնման»,- ասել է նախագահը: Ինչպես նկատել է Պորոշենկոն, այսօր կկայանա Մերկելի հանդիպումն Ուկրաինայի տեղական ինքնակառավարման մարմինների ներկայացուցիչների հետ, որի ընթացքում քննարկվելու է Եվրամիության օգնությունը տեղական ինքնակառավարման համակարգի ամրապնդմանը եւ իշխանության ապակենտրոնացմանը, սահմանադարական բարեփոխումների պաշտպանությանը, որը նպաստելու է ուկրաինական անկախության ամրապնդմանը:
«Ես վստահ եմ, որ այդ գործնական երեւույթները, որոնք ձեռք են բերվել այս հանդիպման ընթացքում, կարեւոր օգնություն են Ուկրաինային»,- նշել է Պորոշենկոն: