Մաքսային Միությունում բոլորը չեն ուրախ Հայաստանի անդամակցությամբ: Այդ մասին «Բազե-2014» հավաքի փակմանը լրագրողներին ասել է նախագահ Սերժ Սարգսյանը:

Aravot.am-ի թղթակցի դիտարկմանը, թե այնպիսի տպավորություն է, որ Մաքսային միությունում  ուրախ չեն մեզ տեսնել. որտեղի՞ց այդ տպավորությունը և արդյոք տեղի՞ն է այն, Սերժ Սարգսյանը պատասխանել է. «Մաքսային միությունը, բնականաբար, մեկ երկիր չէ, և ես ինչ-որ տեղ համաձայն եմ այն կարծիքին, որ երևի թե բոլորը ուրախ չեն: Մենք փոքր, խնդիրներ ունեցող երկիր ենք, և, բնականաբար, ցանկացած միության անդամակցելը որոշակի խնդիրներ է առաջացնում նաև այդ միության անդամների համար»:

Շարունակելով` նախագահը շեշտեց. «Մյուս կողմից էլ, այնպես չէ, որ Մաքսային միության բոլոր անդամները չեն ցանկանում: Եթե չցանկանային, ուղղակի վետո կդնեին այս խնդրի վրա, և այն առաջ չէր շարժվի»: Սերժ Սարգսյանը հայտարարեց, թե իրականությանը չեն համապատասխանում այն պնդումները, իբր թե մեզ ստիպում են, որ գլխապտույտ արագությամբ դառնանք Մաքսային միության անդամ:

Շարունակությունը սկզբնաղբյուր կայքում