Չինացի ինժեներներ Վան Յույն ու Լի Լյանտաոն երկար ժամանակ երազել են իրենց սեփական Lamborghini Diablo-ն ունենալու մասին: Սա աշխարհի ամենաթանկ ավտոմեքենաներից է, բայց ավելի քան 10 տարի առաջ հանվել է արտադրությունից: Սակայն ընկերներին այդ չի կանգնեցրել իրենց երազանքն իրականացնելու ճանապարհին:
Ինժեներները որոշել են Lamborghini ստեղծել սեփական ձեռքերով: Աշխատանքը սկսել են 2010 թվականին: Նրանք պատվիրել են անհրաժեշտ գրեթե բոլոր մասերը, որոնք օգտագործվել են այդ մեքենան ստեղծելիս: Այդ նպատակով նրանք շուրջ 220 հազար դոլար են ծախսել: Դա մեկ տասներորդ մասն է այն գումարի, որով այսօր Չինաստանում վաճառում են իսկական Lamborghini Diablo-ն: Ընդ որում, այլ երկրներից այդ մեքենան ներմուծել չի թույլատրվում, իսկ երկրի ներսում գտնվող մի քանի մեքենաները մասնավոր ձեռքերում են:
Ըստ NDTV.ru-ի, Պեկին վերադառնալուց առաջ Վանը մեխանիկա ուսումնադիրել է Անգլիայում, Լին՝ Կանադայում: Երկուսն էլ ցանկանում են Չինաստանում ավտոարտադրության ընկերության հիմնել: Բայց դա առայժմ հնարավոր չէ. Չինաստանում ձեռքով ստեղծված ավտոմեքենայի համար արտոնագիր չեն տրամադրում:
