Վրաստանը չեղյալ է հայտարարել առանց վիզա ռեժիմը 24 երկրների համար, իսկ 94 երկրի քաղաքացիների համար, այդ թվում նաեւ՝ Հայաստանի, նախկինի պես գործելու է առանց վիզա ռեժիմը:
Վրաստանի ԱԳՆ-ի հյուպատոսության բաժնի տնօրեն Գեորգի Տաբատաձեն հայտարարել է, որ օգոստոսի 26-ին հաստատվել է այն երկրների ցանկը, որոնց քաղաքացիների համար գործելու է առանց վիզա ռեժիմը: Դրանք 94-ն են, հայտնում է «Գռուզիա Online»-ը:
Միաժամանակ այն պետությունների քաղաքացիները, որոնց համար գործելու է վիզային ռեժիմը, երկրում կարող են մնալ 90 օր՝ նախկինում սահմանված 360 օրերի փոխարեն:
Բացի դրանից, եթե նախկինում վիզա ստանալ հնարավոր էր միայն երկիր ժամանելուն պես՝ սահմանին, դիվանագիտական ներկայացուցչություններում եւ Վրաստանի արդարադատության նախարարության պետծառայությունների զարգացման գործակալությունում, ապա այժմ դրանք կարելի է ստանալ միայն դիվանագիտական ներկայացուցչություններում: Սահմանին վիզա տրվելու է միայն «հատուկ դեպքերում», որոնք կսահմանի կառավարությունը:
2014 թ. սեպտեմբերի 1-ից Վրաստանի վիզան արժենալու է 50 դոլար: