Փարաքարի բնակիչ, ՌԴ ոստիկանության կողմից հետախուզվող Արման Բեգլարյանը մեղադրվում է գողություն կատարելու մեջ:
Օգոստոսի 17-ին ոստիկանության Քանաքեռ-Զեյթունի բաժին էր դիմել մի քաղաքացի եւ հայտնել, որ իր տնից փող եւ ոսկեղեն են գողացել: Մի քանի ժամվա ընթացքում ոստիկաններին հաջողվեց պարզել, որ գողությունը հնարավոր է կատարած լինի մոտակայքում ապրող ոմն Կարենը: Բաժնում արդեն հայտնի դարձավ, որ Կարեն ներկայացած անձնավարությունը Փարաքարի բնակիչ, 34-ամյա Արման Բելգարյանն է, որը նախկինում մեկ անգամ արդեն դատապարտվել է, իսկ այս պահին էլ ՌԴ ոստիկանության կողմից գտնվում է հետախուզման մեջ:
«Արաղի ազդեցության տակ գնացի, մտա, սկզբում փողը վերցրի, հետո ականջողերը ու դուրս եկա, գնացի: Գումարի մի մասով ինձ մայկա ու սպորտային բոթաս եմ առել, իսկ ոսկին էլ գրավ եմ դրել»,- պատմեց Արմանը:
Արման Բեգլարյանը կալանավորված է: Նախաքննությունը շարունակվում է:
Մանրամասները՝ ոստիկանության պատրաստած տեսանյութում:
