ՄԱԿ-ն անհանգստացած է Ուկրաինայում հումանիտար իրավիճակով, որի տվյալներով, այդ երկրի հարավ-արեւելքում զինված հակամարտության զոհերի թիվը հասել է 2249-ի: Այս մասին հայտարարել են Ռուսաստանի ԱԳՆ-ում, ՄԱԿ-ի գլխավոր քարտուղարի տեղակալ, արտակարգ օգնության հարցերով համակարգող Վալերի Ամոսի՝ Ուկրաինա կատարած այցելության արդյունքներով:
«ՄԱԿ-ի մարդասիրական հարցերի համակարգման վարչության վերջին տվյալների համաձայն, Ուկրաինայի արեւելքում զինված հակամարտության զոհերի եւ տուժածների թիվը անշեղորեն աճում է: Օգոստոսի 19-ի վտյալներով, խոսքը 2249 զոհի (առնվազն 23 երեխայի) եւ 6033 վիրավորի (առնվազն 38 երեխա) մասին է»,-ասել են գերատեսչությունում, հաղորդում է ԻՏԱՌ-ՏԱՍՍ-ը:
Ներքին տեղահանվածների թիվը հասել է 190 հազարի (օգոստոսի 13-ին այդ ցուցանիշը 156 հազար էր), Ռուսաստանում ուկրաինացի փախստականների թիվը հասել է 207 հազարի (մեկ շաբաթ առաջ 188 հազար էր):