2014 թվականի տարեսկզբից մինչ օրս, Երեւանի բակերում արդեն տեղադրվել են 220 բակային խաղեր եւ մարզասարքեր. եւս 80-ը կտեղադրվեն առաջիկա օրերին:

Երեւանի քաղաքապետարանի մամուլի ծառայությունից հայտնում են, որ սկզբունքը հետեւյալն է` համապատասխան տարածքներում դրանք կտեղադրվեն  բակերը բարեկարգելուց, կանաչապատելուց   ու պատշաճ տեսքի բերելուց հետո, որպեսզի բակային խաղերը ամբողջացնեն տարածքի ընդհանուր կահավորումը: Սակայն հիմնական նպատակը փոքրիկ երեւանցիների, իսկ մարզասարքերի պարագայում՝ նաեւ բակերի մյուս բնակիչների  ակտիվ հանգիստն ապահովելն է: