Ձկնաբուծական տնտեսությունները Արարատյան դաշտի ջրօգտագործողներից բոլորովին ամենախոշորը չեն: Այդ մասին այսօր՝ օգոստոսի 27-ին, լրագրողներին հայտարարեց Հայաստանի ձկնաբույծների միության նախագահ Արթուր Աթոյանը: Նրա խոսքով՝ Արարատյան դաշտում արտեզյան ջրերի մակերեւույթի կրճատուման համար առաջին հերթին պատասխանատու են ձկնային տնտեսությունները: Դա հաստատել են նաեւ օգոստոսի կեսերին Հայաստանը այցելած FAO-ի մասնագետները:
«Կառավարությունը ընտրեց անպաշտպաններին: Նրանց դեմ ուժային միջոցառումներ են կիրառվում՝ հորանցքներ փակում եւ այլն, սակայն դա ջրային ռեսուրսների վերականգնման լավագույն միջոցը չէ», - հայտարարեց Աթոյանը:
Հիշեցնենք, որ ՀՀ բնապահպանության նախարարությունը շարունակում է ապօրինի արտեզյան հորերի փակման աշխատանքները: Դրանց մեծ մասը պատկանում են ձկնաբուծական տնտեսություններին: Այսպես, հուլիսի 16-ից մինչ օրս, շնորհիվ նախարարության վերահսկողական միջոցառումների, Արարատյան դաշտում մոտ 798 լ/վկ ջուր է խնայվել, որից 370-ը՝ հորատանցքների փակման եւ 428-ը՝ փականների տեղադրման շնորհիվ: Այս տարի տնտեսումը կկազմի մոտ 25,2 մլն խմ:
