Օգոստոսի 24-ին ոստիկանության Վարդենիսի բաժնում հաղորդում էր ստացվել 26-ամյա Ռուբեն Ա.-ի կողմից 40-ամյա Ավետիք Մ.-ին դանակահարելու մասին:
Ոստիկանության մամուլի ծառայությունից հայտնում են, որ ոստիկանների անցկացրած բացատրական աշխատանքների շնորհիվ` Ռուբեն Ա.-ն ներկայացել է բաժին եւ խոստովանել, որ օգոստոսի 24-ին, ժամը 04.00-ի սահմաններում, Վարդենիս-Շատվան ճանապարհին վիճաբանել է Ավետիք Մ.-ի հետ եւ ծալովի դանակով հարվածել նրա կրծքավանդակին եւ աջ նախաբազկին:
Ձեռնարկվում են միջոցառումներ դանակը հայտնաբերելու ուղղությամբ:
Տուժողին տրվել է դատաբժշկի ուղեգիր: