Ինչպես տեղեկացրել էինք` ոստիկանության ծառայողներն օրերս ձերբակալել են Ծաղկաձորի հանգստյան տներից մեկից պլազմային 5 հեռուստացույց գողացողներին` 44-ամյա Հակոբ Մ.-ին, 41-ամյա Հովհաննես Հ.-ին եւ 24-ամյա Սպարտակ Մ.-ին:
Ոստիկանության մամուլի ծառայությունից հայտնում են, որ ոստիկանության Հրազդանի բաժնի ծառայողները պարզել են, որ վերջիններս հուլիսի 29-ին, ժամը 07.20-ից մինչեւ ժամը 09.00-ն ընկած ժամանակահատվածում, բաց դռնից մուտք են գործել Ծաղկաձոր քաղաքի մեկ այլ հանգստյան տան սենյակներից մեկն ու հյուրասենյակի սեղանի վրայից գողացել պլանշետ եւ 2 բջջային հեռախոս` պատճառելով 670.000 դրամի նյութական վնաս:
Գողության մասին տուժողը նախկինում ոստիկանություն չէր հայտնել: Ոստիկանները նրանից հաղորդում են ընդունել:
Նախաքննությունը շարունակվում է:
