«Apple»-ի մատակարարները 2015 թվականի սկզբին կսկսեն ամենամեծ «iPad» պլանշետի արտադրությունը, որի էկրանի տրամագիծը կկազմի 12.9 դյույմ:
Այս պահին ընկերությունն առաջարկում է 9.7 եւ 7.9 դյույմ տրամագծով պլանշետային համակարգիչներ: Որոշ տվյալների համաձայն՝ «Apple»-ը հսկա պլանշետի թողարկումը մատակարարողի հետ քննարկվում է շուրջ մեկ տարի: Սակայն, ըստ «Վեդոմոստի»-ի, ընկերության մամուլի ծառայությունը հրաժարվել է մեկնաբանել այս հաղորդագրությունները:
«iPad»-ի վաճառքը, որն «Apple»-ի համար եկամուտի երկրորդ աղբյուրն է՝ «iPhone»-ից հետո, արդեն երկու եռամսյակ անընդմեջ կրճատվում է նոր մոդելների բացակայության եւ շատ մեծ էկրաններով սմարթֆոնների մրցակցության պատճառով:
«Apple»-ի մատակարարներն արդեն աշխատում են «iPad»-ի եւ «iPad mini»-ի թարմացված տարբերակների ուղղությամբ, որոնք կարող են շուկայում հայտնվել այս տարի՝ նախքան ընկերության համար հիմնական համարվող վաճառքի նախաամանորյա սեզոնը: Բացի այդ, «Apple»-ը, հետեւելով մրցակիցներին, մեծացնում է «iPhone»-ի էկրանի չափերը:
Ենթադրվում է, որ մեծ էկրանով սմարթֆոնը կներկացվի «Apple»-ի՝ սեպտեմբերի 9-ին կայանալիք միջոցառման ժամանակ: