Լոռու մարզի Գուգարքի տարածաշրջանի Մեղրուտ գյուղի մոտ այսօր՝ օգոստոսի 27-ին, ողբերգական ավտովթար է տեղի ունեցել. Մեքենայի 3 ուղեւորները մահացել են, իսկ 2-ը տեղափոխվել «Վանաձոր» բժշկական կենտրոն:
Ինչպես NEWS.am-ին հայտնեցին ոստիկանության Գուգարքի բաժնից, դեպքը տեղի է ունեցել այսօր ժամը 16:00-ի սահմաններում, «Գազ 66» մակնիշի ավտոմեքենան դուրս է եկել ճանապարհի երթեւեկելի գոտուց եւ 20 մետր գլորվելով՝ հայտնվել սարի տակ: Պատահարի հետեւանքով վարորդը՝ 55-ամյա Հրաչիկ Առաքելյանը, հայր եւ որդի 36-ամյա Ռադիկ եւ 11-ամյա Արմեն Սողոմոնյանները մահացել են: Մյուս երկու ուղեւորները տեղափոխվել են հիվանդանոց:
Դեպքի մանրամասները ճշտվում են: