Թուրքական Star պարբերականի սյունակագիր Զեյնեփ Թուղրուլն իր հրապարակման մեջ գրել է, թե Հայաստանի արտգործնախարար Էդվարդ Նալբանդյանը նորընտիր նախագահ Էրդողանի երդման արարողությանը մասնակցելու է որպես պատասխան Էրդողանի կողմից ապրիլի 24-ի առթիվ արած ուղերձի:
Star-ի լրագրողը գրել է, թե Նալբանդյանը Անկարա է գալիս Հայաստանի նախագահ Սերժ Սարգսյանի նամակը Էրդողանին փոխանցելու համար: Նշվում է, որ Անկարայում Դավութօղլուի եւ Նալբանդյանի միջեւ հանդիպում դեռեւս նախատեսված չէ:
Աղբյուրները նշում են սակայն, որ Նալբանդյանը բացի Սարգսյանի շնորհավորական ուղերձից, Էրդողանին է փոխանցելու Էրդողանին ուղղված Հայաստանի նախագահի հրավերը՝ 2015 թվականի ապրիլի 24-ին այցելել Հայաստան:
Նշենք, որ Հայաստանի ԱԳ նախարար Էդվարդ Նալբանդյանը օգոստոսի 28-ին մասնակցելու է Թուրքիայի նորընտիր նախագահ Ռեջեփ Թայիփ Էրդողանի երդման արարողությանը: