«Suzuki» ընկերությունը հրապարակել է սերիական նոր ամենագնացի առաջին պաշտոնական լուսանկարը, որը ստացել է «Vitara» անվանումը: Այս անվամբ ճապոնացիները վաճառում էին ոչ մեծ ամենագնաց, որը շուկայում էր հայտնվել 1988 թվականին: Նորույթի հրապարակային շնորհանդեսը կկայանա հոկտեմբերի սկզբին, Փարիզյան ավտոսրահում:
Արտադրողների խոսքով՝ «Vitara»-ն iV-4 մեքենայի ապրանքային տարբերակն է, որը ցուցադրվել է անցյալ տարվա աշնանը, Ֆրանկֆուրտում: Նախատիպը ստեղծվել է այն պատճառով, որպեսզի ցուցադրի ընկերության ապագա ամենագնացների դիզայնը: iV-4-ի երկարությունը կազմում էր 4215 մմ, լայնությունը՝ 1850 մմ, բարձրությունը՝ 1665 մմ, իսկ անիվային բազայի չափը կազմում էր 2500 մմ: Այս մասին գրում է «Motor.ru»-ն:
«Suzuki Vitara»-ի ստանդարտ տարբերակն առաջարկվելու է դիմային անվադողի քարշով, սակայն նորույթը հասանելի կլինի նաեւ «ALLGRIP» ամբողջական քարշակային համակարգով: Շարժիչները կլինեն բենզինային եւ դիզելային, որոնք առանձնանում են «վնասակար արտանետումների ցածր մակարդակով եւ վառելիքի տնտեսմամբ»:
Նոր «Vitara»-ի գնորդներին կշարունակեն առաջարկել անհատականացման ծրագիրը՝ գույների եւ թափքի դիզայնի լայն ընտրությամբ: Սպասվում է, որ նորույթի եվրոպական վաճառքը կմեկնարկի հաջորդ տարվա գարնանը: Ամենագնացի գինը դեռեւս չի հաղորդվում: