«Seagate» ընկերությունը մշակել է աշխարհում ամենամեծ կոշտ սկավառակը, որի ծավալը կազմում է 8 ՏԲ: Այս մասին նշված է ընկերության հաղորդագրության մեջ:
«Seagate»-ը մտադիր է այս կոշտ սկավառակի սերիական արտադրությունը սկսել այս տարեվերջին, ընդ որում, 2015-ի ավարտին ընկերությունը մտադիր է հասնել 20 ՏԲ ծավալի:
Ըստ «Gazeta.ru»-ի, մեծ ծավալով կոշտ սկավառակը նախատեսված է կոմերցիոն տվյալների կենտրոնների եւ պետական սեկտորին սպասարկող տվյալների կենտրոնների համար: Ընկերության մամուլի ծառայության պարզաբանմամբ, այն թույլ է տալիս հասնել տվյալների պահպանության արդի առավելագույն սեղմության: