«ComScore» ընկերությունը լայնածավալ հետազոտություն է անցկացրել բջջային սարքավորումերի ամերիկացի օգտատերերի շրջանում: Այս մասին գրում է «PhoneArena»-ն: Որոշ արդյունքներ զարմացրել են մասնագետներին:
Այսպես. հետազոտության համաձայն՝ սմարթֆոնների օգտատերերի 66 տոկոսն ամսական նվազագույնը մեկ ծրագիր են ներբեռնում, իսկ «iPhone»-ի եւ «iPad»-ի օգտատերերի տարեկան եկամուտը 40 տոկոսով ավելի է, քան «Android»-ի օգտատերերինը:
Ընդ որում, բջջային հեռախոսների մեդիակոնտենտի օգտագործման ծավալը երեք անգամ ավելի է, քան համակարգիչներինը:
Բջջային սարքավորումների ամենատարածված ծրագրերը շարունակում են մնալ սոցիալական ցանցերը: Դրանց հաջորդում են խաղերն ու ռադիոն:
