2014թ. առաջին կիսամյակում Հայաստանը ավելացրել է ձկնկիթի արտահանումը Ռուսաստան: NEWS.am-ի թղթակցի հետ զրույցի ընթացքում հայտարարեց Հայաստանի ձկնաբույծների միության նախագահ Արթուր Աթոյանը՝ հավելելով, որ Հայաստանում արտադրությունը նույնն մակարդակում է, իսկ ահա սպառումը նվազել է: Արդյունքում ձկնաբույծների մոտ չիրացված ավելցուկ է առաջացել:
«Մեր արտադրողներն էլ արտահանում են Ռուսաստան, որտեղ պահանջարկ կա: Ինչին մենք, իհարկե, շատ ուրախ ենք», - ավելացրել է Աթոյանը:
Նշենք, որ եթե 2013թ. առաջին կիսամյակում Հայաստանը ընդամենը 480 կգ ձկնկիթ է Ռուսաստան արտահանել, ապա այս տարի՝ ավելի քան 14 հազար կգ:
