Չեխիան Իրաքյան Քուրդիստանի իշխանություններին 2 մլն դոլարի զինամթերք է մատակարարելու: Նման որոշում ընդունել է այդ երկրի կառավարությունը:
Դրանում ներառվելու են 10 մլն պարկուճ՝ «Կալաշնիկով» տեսակի ավտոմատի համար, 8 մլն հրթիռ, զրահամեքենայի 5 հազար ական եւ 5 հազար ձեռքի նռնակ:
Ըստ չեխական ռազմական գերատեսչության ղեկավար Մարտին Ստրոպնիցկու՝ խոսքը խորհրդային արտադրության հին սպառազինությունների մասին է, որոնք պահեստներում են մնացել եւ փաստացի չեն նախատեսվել կիրառման համար, քանի որ չեխական բանակն աստիճանաբար անցնում է ՆԱՏՕ-ի չափանիշներին:
«Իրաքի քրդերի համար, որոնց սպառազինությունների թվում քիչ չեն խորհրդային զենքերը, նման զինամթերքի մատակարարումը լուրջ օգնություն է»,- նշել է նա:
Ըստ «ՌԻԱ Նովոստի»-ի, Իրաքի Քուրդիստանին Չեխիան սպառազինություններ վաճառում է՝ ի պատասխան այդ ինքնավարության նախագահ Մասուդ Բարզանիի ուղերձին միջազգային հանրությանը: Վերջինը կոչ էր արել ռազմական օգնություն ցույց տալ իրենց՝ «Իսլամական պետության» ահաբեկիչների դեմ պայքարելու համար: