«Ալժիրի ավիաուղիների» օդանավը բռնկվել է Կահիերի միջազգային օդանավակայանում վայրէջք կատարելիս, փոխանցում է ԻՏԱՌ-ՏԱՍՍ-ը` վկայակոչելով տեղի լրատվամիջոցները:
Օդանավը Ալժիրից Եգիպտոս չվերթն էր իրականացնում: Վայրէջքի ժամանակ բռնկվել են դրա անիվները:
Օդանավակայանի փրկարար ծառայություններին հաջողվել է արագ հանգցնել կրակը: Միջադեպի հետեւանքով ուղեւորներից եւ անձնակազմի անդամներից ոչ ոք չի տուժել: