Լեհաստանի ԱԳ նախարար Ռադոսլավ Սիկորսկին նշել է, որ այժմ Ուկրաինան կանգնած է այն փորձության առջեւ, թե արդյոք իր իրավական համակարգն ընդունակ է «քաղաքակիրթ փոփոխություններ իրականացնել»՝ ազատ առեւտրի գոտու ներդրման համատեքստում, հայտնում է ՈՒՆՆ-ն՝ վկայակոչելով «Լեհական ռադիոն»։
Սիկորսկին նաեւ գոհունակություն է հայտնել, որ Ուկրաինայի եւ Ռուսաստանի նախագահներին հաջողվել է զրուցել։
«Այն, որ Ուկրաինայի եւ Ռուսաստանի նախագահները զրուցում են ԵՄ ներկայացուցիչների ներկայությամբ, արդեն լավ է։ Սակայն իսկական փորձությունը կլինի այն, թե ինչ կկատարվի Ուկրաինայի արեւելքում, վերահսկողություն կհաստատի արդյոք ուկրաինական կողմը», — ասել է Սիկորսկին։
«Կարեւոր է, որպեսզի ԵՄ հանձնակատարի ներկայությամբ գազային բանակցություններր սկսվեն։ Դա ճգնաժամ է ուկրաինական ճգնաժամի ներսում, որն ավելի է լրջանում ձմռան մոտեցման հետ»,- հավելել է նա։
