Նյու Յորքի ոստիկանությունը ձերբակալել է 24-ամյա Ալինա Ցարնաեւային` Ջոհար Ցարնաեւի քրոջը, որը կասկածվում է 2013 թ. ապրիլին Բոսթոնի մարաթոնի ժամանակ պայթյունները կազմակերպելու մեջ:
Ըստ ոստիկանության` ձերբակալության պատճառն ամուսնուց երեխա ունեցած կնոջ հասցեին Ցարնաեւայի հնչեցրած սպառնալիքներն են:
Ոստիկանության ներկայացուցիչն ասել է, որ Ցարնաեւան ամուսնու սիրուհու հետ զրույցի ժամանակ ասել է` «Ես մարդիկ ունեմ, որոնք քեզ մոտ կգան եւ ռումբ կդնեն», հայտնում է BBC-ի ռուսական ծառայությունը:
Ավելի վաղ՝ դեռ անցյալ տարվա հոկտեմբերին, ոստիկանությունը Ցարնաեւային հրավիրել էր` որպես Բոսթոնի պայթյունի գործով վկա սակայն նա հրաժարվել էր օգնել քննությանը:
Նախորդ շաբաթ Ջոհար Ցարնաեւի ընկեր Դիաս Քադիրբաեւն իրեն մեղավոր էր ճանաչել գործի քննությանը խոչընդոտելու համար։
Հուլիսին ատենակալների դատարանը արդարադատությանը խոչընդոտելու համար մեղավոր էր ճանաչել Ցարնաեւի եւս մեկ ընկերոջ՝ Ազամաթ Տաժայակովին։